Prosjekt og utvikling

Prosjekt og utvikling er ein sentral del av arbeidet Visit Fjordkysten og Sunnfjord gjer for å sikre ei berekraftig og målretta utvikling av reiselivet i regionen. Gjennom samarbeid med reiselivsaktørar, kommunar, offentlege aktørar og fagmiljø arbeider vi for å leggje til rette for verdiskaping, trygge opplevingar og styrkt lokal identitet, samtidig som vi tek vare på natur og kultur.

Slik jobbar vi med prosjekt og utvikling

Visit Fjordkysten og Sunnfjord deltek i og leier prosjekt som svarar på regionale behov og framtidsrettede moglegheiter. Dette kan vere samarbeid i nettverk som Berekraftsnettverket NDBR og Berekraftsakademiet, arbeidet med å kvalifisere for Merket for Berekraftig Reisemål, eller andre initiativ som legg til rette for auka kompetanse, felles kurs og utviklingstilbod til næringa. Prosjekta bygger på felles strategiar og handlingsplanar, der målsetjinga er å styrke både kvalitet, samarbeid og langsiktig verdiskaping i heile reiselivet i Fjordkysten og Sunnfjord.

Kvifor prosjekt og utvikling er viktig

Prosjekt og utvikling sikrar at reiselivet i Fjordkysten og Sunnfjord er rusta for framtida gjennom betre kunnskap, styrka samarbeid og felles løft. Ved å samle ressursar, teste nye løysingar og samarbeide med andre aktørar, skapar vi eit fagleg grunnlag for vekst og kvalitet i heile verdikjeda. Arbeidet legg også til rette for at bedrifter kan ta del i resultat og nytte seg av nye muligheiter i marknaden.

Aktuelle prosjekt og satsingar

Prosjektarbeid er ein viktig del av utviklingsarbeidet i Visit Fjordkysten og Sunnfjord. Gjennom ulike prosjekt og samarbeid legg vi til rette for kompetanseheving, berekraftig utvikling og felles løft for reiselivsnæringa i regionen. Her er nokre av prosjekta vi har jobba med i det siste.

Berekraftsakademiet

Visit Fjordkysten og Sunnfjord deltek i Berekraftsakademiet, eit prosjekt for å utvikle felles kurs- og kompetansebibliotek for destinasjonane i Berekraftsnettverket NDBR, kombinert med lokale kurs tilpassa våre behov. Les meir her: Berekraftsnettverket NDBR.

Merket for Berekraftig Reisemål

Fjordkysten og Sunnfjord har blitt tildelt Innovasjon Norge sitt Merket for Berekraftig Reisemål! Dette er ein viktig milepæl i vårt arbeid for å utvikle eit meir berekraftig reiseliv, der vi set miljø, lokalsamfunn, natur og kultur i fokus. Merket er ei nasjonal ordning som sertifiserer reisemål som har forplikta seg til ei meir berekraftig utvikling.

Interaktiv Destinasjonspresentasjon

Visit Fjordkysten og Sunnfjord jobbar med utvikling av ei interaktiv destinasjonspresentasjon som skal gi reiselivsaktørar og samarbeidspartnarar eit moderne og fleksibelt verktøy for formidling. Løysinga skal bidra til betre presentasjon av regionen, styrkt samarbeid og meir målretta dialog med marknaden. Les meir om verktøyet her.

Prosjekt Lavsesong

Vi har arbeidd med prosjekt retta mot lavsesong og skuldersesongar, med mål om å bidra til meir heilårsreiseliv i regionen. Prosjektet har hatt særleg fokus på utvikling og synleggjering av vinterprodukt i Sunnfjord, i samarbeid med lokale aktørar, for å skape fleire besøkjande utanfor høgsesong.