Digitale kampanjar og sosiale medium

Digitale kampanjar og sosiale medium er sentrale verkemiddel for å synleggjere Fjordkysten og Sunnfjord som reisemål. Gjennom målretta kampanjar jobbar Visit Fjordkysten og Sunnfjord med å skape merksemd, inspirasjon og reiselyst hos prioriterte målgrupper i inn- og utland.

Korleis kan du som reiselivsaktør delta?

Reiselivsaktørar kan delta i digitale kampanjar gjennom samarbeid med Visit Fjordkysten og Sunnfjord. Kampanjane blir gjennomførte som eigne destinasjonskampanjar, eller i samarbeid med regionale og nasjonale aktørar som Visit Norway og Fjord Norge.

Deltaking skjer vanlegvis i samband med planlagde kampanjar retta mot definerte marknader og målgrupper. Aktørar kan bli inkluderte i kampanjar både i regi av destinasjonsselskapet aleine og i felles satsingar på tvers av destinasjonar og nivå.

Deltaking kan mellom anna innebere å:

Spele inn relevante opplevingar, aktivitetar eller overnattingstilbod som støttar kampanjetemaet.
dele innhald som foto, video eller historier som styrkjer den overordna forteljinga om regionen
vere synleg som del av ei felles kampanje eller tematisk satsing

Synlegheit skjer innanfor dei prioriteringane og den profilen som er sett for den enkelte kampanjen, med mål om å skape meir trafikk til regionen og auka verdiskaping for medlemane samla.

Kva får du igjen?

Gjennom deltaking i digitale kampanjar får reiselivsaktørar moglegheit til å bli synlege i profesjonelle og målretta marknadsføringsløp, både regionalt, nasjonalt og internasjonalt. Kampanjane er utvikla for å styrkje kjennskapen til regionen og skape interesse for opplevingar og tilbod i Fjordkysten og Sunnfjord.

Digitale kampanjar er ein del av det langsiktige arbeidet med å styrkje regionen si attraksjonskraft og skape synlegheit for våre medlemsbedrifter.

Ønskjer du ekstra synlegheit på fjordnorway.com under kampanjeperioden?

På fjordnorway.com har du moglegheit til å kjøpe ekstra synlegheit gjennom bannerannonser – enten i ein utvald sesong, under ein kampanjeperiode eller gjennom heile året. Dette er ein effektiv måte å nå potensielle gjester som aktivt søkjer reisetips og inspirasjon til si neste oppleving på Vestlandet.

Kvifor annonsere på fjordnorway.com?

Den leiande reiseportalen for Vestlandet. fjordnorway.com er hovudportalen for inspirasjon og reiseplanlegging til heile Vestlandet, og samlar trafikk på tvers av destinasjonar.
Treff gjester med konkret reiseintensjon. Besøkande på fjordnorway.com er i planleggingsfasen – og har ei tydeleg reiseinteresse, enten dei planlegg turen sin for framtida, eller allereie er på Vestlandet og leitar etter opplevingar, aktivitetar og tilbod. Det gir høg relevans og gode moglegheiter for både synlegheit og konvertering.
Fleksibel synlegheit etter behov. Du kan vere ekstra synleg når det passar deg best. Enten det er under kampanjeperiodar, i ein bestemt sesong, i utvalde marknader eller gjennom heile året.

Planlagte kampanjar

Her får du ei oversikt over kampanjar vi jobbar med no.

Kampanje	Periode	Marknad	Kort beskriving
Go your own way – strategisk destinasjonskampanje	Mars-April 2026, Juli-August 2026	Norge	Nasjonal forbrukarkampanje sommar
Go your own way – strategisk destinasjonskampanje	Mars-April 2026, Juli-August 2026	Tyskland, Nederland, UK	Internasjonal forbrukarkampanje sommar
Frå Hav til Bre – Vestlandets skjulte perler ventar på deg!	Mars – August 2026	Norge, Tyskland, Nederland, UK	Nasjonal og Internasjonale forbrukarkampanje med utgangspunkt i youtube filmene frå Hav til Bre med Anniken og Jostein
Dette er haustens reisemål	Juli-August 2026	Norge	Nasjonal forbrukarkampanje haust
Winter in contrast	September-November 2026	Tyskland, Nederland, UK	Internasjonal forbrukarkampanje vinter
Opplev førjulstida i Fjordkysten og Sunnfjord	November-Desember 2026	Tidl. Sogn & Fjordane, Hordland, Voss	Regional førjulskampanje

Kampanjane våre har ulike formål og er bygd opp på ulike måtar. Nokre er reine merkevarekampanjar med mål om å skape reiselyst og styrkje posisjonen til FjordKysten og Sunnfjord i utvalde marknader. Desse kampanjene har eit overordna destinasjonsfokus og er ikkje opne for direkte deltaking frå enkeltaktørar. Andre kampanjar opnar for innspel og bidrag frå medlemane, til dømes gjennom relevante opplevingar, overnattingstilbod eller innhald som støttar kampanjetemaet og målgruppa.

All deltaking skjer innanfor rammene og prioriteringane som er sette for den enkelte kampanjen. Målet er å skape største mogleg effekt for regionen samla, og gjennom det styrkje verdiskapinga for medlemane.

Tidlegare kampanjar og resultat

Her finn du ei oversikt over utvalde kampanjar som er gjennomførte i regi av Visit Fjordkysten og Sunnfjord, åleine eller i samarbeid med regionale og nasjonale aktørar. Kampanjane gir innsikt i korleis marknadsarbeidet har vore gjennomført over tid.