Som vertskap i Fjordkysten og Sunnfjord har de ei unik moglegheit og eit stort ansvar. De står ikkje berre som formidlarar av dei spektakulære landskapa og den rike kulturarven i regionen, men også som pådrivarar for berekraftig turisme. Dykkar rolle som vertskap er avgjerande for å sikre at dei besøkande får ei oppleving som er både minneverdig og skånsam mot miljøet, samt trygg og respektfull overfor naturkreftene.
Reis Betre er ein del av Visit Fjordkysten og Sunnfjord sitt kommunikasjonskonsept – utvikla for å fremje ansvarleg gjesteadferd blant våre besøkande. Dette konseptet fokuserer på å gjere turistar medvitne om deira påverknad på miljøet og korleis dei kan bidra positivt til våre lokalsamfunn. Ved å formidle viktige retningslinjer og inspirere til betre val, legg vi til rette for ein berekraftig turistindustri som tek omsyn til både natur, kultur og samfunn.
Saman med Fjord Norge har vi lansert Fjordløftet – eit initiativ for ansvarleg turisme. Fjordløftet set fokus på korleis dei besøkande tek vare på både naturen og lokalsamfunna.
Ansvarleg marknadsføring inneber å kommunisere ærlig og presist om kva besøkande kan forvente, og å oppmuntre til åtferd som er i tråd med våre berekraftsmål.
Merkevaren for Fjordkysten og Sunnfjord er eit samlande verktøy som skal skape reiseinspirasjon frå natur og kultur, men den er og eit forteljing om vår identitet, vårt samfunn og levesett.