B2B Arkiver - Visit Fjordkysten & Sunnfjord

Internasjonal visningstur til Solund, Værlandet og Bulandet

27/05/2025/i B2B/av Vanja Birkelid

12.–15. mai blei det arrangert ein internasjonal visningstur saman med Innovasjon Noreg og Fjord Noreg. Turen gjekk til Solund, Værlandet og Bulandet, der deltakarane fekk oppleve levande øysamfunn og reise med offentleg transport. Det var 10 deltakarar på turen, frå sju europeiske land og ein turoperatør frå USA. Visningsturen er ei vidareføring av den tradisjonelle øyhoppingsturen med postbåten frå Solund til Bulandet, med overnatting i Solund og på Værlandet, og ei ekstra dag med aktivitetstilbod i Solund.

Turen starta og slutta i Bergen, der vi blei godt teken imot av Frøydis frå Norled, som gav nyttig informasjon til turoperatørane om Norled som transportmiddel, og korleis ein kan kombinere øyriket med Sognefjorden og Bergen.

Vi tilbrakte to netter på Solund Leilegheitshotell. Vi fekk servert middag på Skafferiet og Havkroa. Lunsj fekk vi hos Gjenbruket og påsmurt frå Spar Solund. Vi lærte meir om Fjordkystparken og UNESCO-sertifiseringa. Norsk Kystkulturakademi tok oss med på kulturvandring, villsausafari og gav ei innføring i kajakk-eldoradoet. Vidar Hop Skyssbåtar og Venner av Utvær tok oss med ut til Noregs vestlegaste punkt, med vaflar, trimtur opp i fyrtårnet og vandring på Utvær.

Turen gjekk vidare til Bulandet med postbåten, med strålande guiding av Hans. Undervegs fekk vi tatt ein prat med Steinsund Marinesenter, Roar på Litle Færøyna og Anne Marie på Gåsvær. På Bulandet tok Gunhill oss med på ein runde til øyas mange perler, der fleire fekk prøvd sykling på Bulandet. Vi hilste på Værlandet Gjesteheim og åt lunsj på Hamnholmen, der Hilde kom innom og fortalde oss om landskapet og villsauen. Vi avslutta dagen med middag på Kroa og ein god natts søvn på Værlandet Havhotell.

Turoperatørane var opptekne av å reise utanfor allfarveg, miljøvennlege reisemåtar, å bli kjende med lokalbefolkninga, lokalmat, kulturopplevingar, samt vandring og enkle aktivitetar. Turoperatørane har fått oppfølging, og aktørane som deltok på visningsturen, har fått tilsendt kontaktinformasjon til deltakarane.

Tusen takk til alle saman for innsatsen, og for at vi i lag kan løfte destinasjonen og jobbe for auka reiselyst til kysten i ein forlengd sesong.

Norwegian Travel Workshop 2025

14/04/2025/i B2B/av Vanja Birkelid

Norwegian Travel Workshop 2025 er no over! Vi har hatt to intense møtedagar i Bodø med både kjende og ukjende turoperatørar. I samtalane har det vore aukande fokus på å reise med offentleg transport og besøke stader litt utanfor allfarvegane. Det vart også stor interesse for lokal kultur og matopplevingar, kombinert med enkle aktivitetar som båtturar og vandring.

Kvifor deltek vi på NTW?

Deltaking på NTW er ei uvurderleg moglegheit til å profilere destinasjonen vår og bygge relasjonar som styrkjer vår posisjon i det internasjonale marknaden. Til deg som jobbar innan reiselivet, er dette ei møteplass du ikkje vil gå glipp av! I tillegg til dei to dagane med B2B-workshop, som hovudsakleg er basert på førehandbestilte avtalar, tilbyr NTW også sosiale arenaer for nettverksbygging på kveldene, samt moglegheita til å utforske vertsområdet gjennom ulike aktivitetar. NTW er ei møteplass for B2B-sal, nettverksbygging, kompetansedeling og marknadsføring. Vi deltok saman med Solund og Måløy Adventure, og håper at endå fleire av dykk som vil satse på turoperatørar, blir med til neste år! Det er ei gyllen moglegheit for å syne ditt produkt og område.

Kven møter vi?

Årets møter var ein kombinasjon av gamle kjende og nye bekjentskap. Målet med å prate med dei vi allerede har på kontaktlista vår, er å høyre om statusen deira, korleis salet av produkt i vår region går, og om det er nokre nye tilbod som kan vere interessante for dei. Til dømes fekk vi status på nokre produkt som kjem for sal denne sommaren, og vi tok opp tråden med ein operatør som tidlegare har vist interesse for området. Blant dei nye bekjentskapa var det både incoming og outgoing førespurnader, der vi kontakta operatørar som etterspør det vi kan tilby i vår region. Turoperatørane vi møtte representerte den europeiske og nord-amerikanske marknaden. Ta gjerne kontakt om du ønskjer meir detaljert informasjon.

Litt av det vi tok med oss frå møta:

Travel like the locals – Reise med offentleg transport. Her snakka vi mykje om kystreise med Norled og korleis dette kan kombinerast med Sognefjorden.
Off the beaten track – Det var auka fokus på å finne dei skjulte perlene og reise til plassar med færre turistar.
Slow travel – Fleire ynskte å bli verande same stad i fleire netter, og gjerne ha ein rundtur i nærområdet til Bergen, eller frå Bergen til Ålesund.
Get to know the locals – Lokal mat, historieforteljing og autentisitet var viktig.
Soft activities – Guidede båtturar og enkel vandring var populært.

Korleis jobbar vi vidare?

Rett etter NTW fekk alle tilsendt ei første e-post med generell informasjon. Veka etter vart det sendt ut meir målretta informasjon til kvar enkelt av dei vi hadde møte med. Dette inkluderer reiseruteforslag og kontaktinformasjon til det dei viste mest interesse for. Dei blir også lagt til i e-postlista for nyheitsbrev, samt får tilbud om en oppfølgingssamtale på Teams. Nokre vil også bli invitert til årets visningsturar.

Sjåast vi på NTW 2025?

Neste år vert NTW arrangert i Lofoten frå 13. april til 17. april, og vi håpar fleire frå destinasjonen vår blir med! Det er ei unik moglegheit til å bygge nettverk, dele idear og vise verda kva vi har å tilby. Ta gjerne kontakt med ida@fjordkysten.no om de lurer på noko!

Nyhetsbrev B2B: Time to experience something new

04/09/2023/i B2B, Bransjenytt, Ukategorisert/av Vanja Birkelid

På fredag sendte vi ut nyhetsbrev til turoperatørar, med litt info om nye medlemmar og nye tilbod i destinasjonen. Legg til PDF av nyhetsbrevet her, designet blei ikkje optimalt på PDF og knappar osv er meir tydeleg markert i det ordinære nyhetsbrevet.

time-to-experience-something-new Last ned

Statistikk

Per no ser statistikken for nyhetsbrevet slik ut. Vi jobbar kontinuerlig med å få opp ein større base av turoperatørar som er interessert i destinasjonen vår. Vi legg inn oppdateringar her i slutten av veka, når operatørane har fått betre tid til å sjå igjennom.

Mandag 4. august:

Har du noko du vil at vi skal inkludere i desse nyhetsbreva? Send ein epost til vanja@fjordkysten.no.

Kva er fordelane med å jobbe med turoperatørar?

08/02/2023/i B2B, Bransjenytt, Ukategorisert/av Vanja Birkelid

Vi i Fjordkysten & Sunnfjord ønskjer å satse meir på B2B arbeid, og nærmare arbeid med turoperatørar.

Det er mange ulike fordelar med å jobbe med turoperatørar. Her har du tilgang på eit stort salgsapparat som er ute og sel for deg på dine vegner, og du slepp å vere til stades sjølv ute i markedet og sette deg inn i ulike språk og kulturforskjellar. Du når også ut til ulike kundegrupper og segment avhengig av kva operatørar du vel å jobbe med. Turoperatørane sit på ein massiv markedskunnskap om kva gjesten forventar når han kjem, og kan derfor hjelpe til med tilrettelegging og planlegging ut i fra dette. Dette gjer og at du kan få god innsikt i kva ulike kundar er interessert i, og det kan dermed gjere det enklare å jobbe med produktutvikling for deg som ønskjer å ha eit attraktivt produkt.

Sjå gjerne denne filmen, Siri Tallaksen i Innovasjon Norge forklarar litt meir om kvifor det blir viktigare å jobbe med reisearrangørar.

Kva er det kundane er opptatt av?

Kundane er ute etter at det skal vere lett å planlegge, og gjerne eit skreddarsydd opplegg for deira behov. Dei vil ha unike opplevelsar, og gjerne lengre feriar men med meir innhald. Mindre fotavtrykk er og ein viktig faktor.

Vår rolle

Vi i Fjordkysten & Sunnfjord kjem til å delta på fleire ulike møteplassar med turoperatørar og incoming operatørar, som workshops og B2B-messer. Her sel vi inn medlemmane våre og det vi har å tilby i destinasjonen vår. Vi kjem etter kvert til å ha knytta gode kontaktar i dei markeda som kundane dine befinn seg i, som vil resultere i eit fantastisk nettverk. Et godt samarbeid med medlemmane våre vil gjere det enklare for oss å sette turoperatørane våre i kontakt med dei riktige folka.