Hjelp oss å gjennomføre gjesteundersøkinga i sommar

Visit Fjordkysten og Sunnfjord gjennomfører gjesteundersøking i sommar, og dykkar innsats og engasjement er avgjerande for vår felles suksess – saman kan vi gjere ein forskjell.

Vi treng dykkar hjelp

Oppfordre gjestane til å delta i gjesteundersøkinga slik at vi kan få samla verdifulle tilbakemeldingar som kan brukast til å forbetre tilbodet vårt og sikre ei positiv oppleving for alle besøkande.

• Del landingssida i dykkar kanalar: Hjelp oss å gjere di reise endå betre – Fjord Norway
• Skriv ut plakatar og heng opp i lokalene dykkar
• Del undersøkinga i nyhendebrev og e-postar til gjestane med direktelink: https://no.surveymonkey.com/r/G2NZ5GV
• Del på nettsidene dykkar gjennom pop-up vindu, artiklar og linknade

Kvifor bør de bidra?

Gjesteundersøkinga bidreg først og fremst med å gi oss viktig informasjon om gjesten si oppleving av reisemålet. Denne informasjonen er avgjerande for vidare utvikling av gode gjesteopplevingar i heile regionen.

Samla sett bidreg felles innsats til å auke synligheita for Fjordkysten og Sunnfjord sin reiselivsprofil, forbedre besøkande sine opplevingar og auke verdiskapinga knytt til reiselivsnæringa.

Felles satsing mot eit meir berekraftig reisemål

For å innfri indikatorane i Standard for Berekraftig reisemål, blir det forventa at destinasjonsleiinga gjennomfører gjesteundersøkingar i viktige kundesegment minst kvart tredje år.