Vi arbeider for å utvikle, marknadsføre og styrkje Fjordkysten & Sunnfjord som reisemål, heile året. Gjennom målretta satsing på marknadsføring, sal, vertskap og utvikling skaper vi reiselyst, samarbeid og verdiskaping i regionen.
Vi marknadsfører Fjordkysten & Sunnfjord nasjonalt og internasjonalt, både til gjester og reisebransje. Gjennom kampanjar, nettsider, sosiale medium, foto- og filmproduksjon og samarbeid med Fjord Norway og Innovasjon Noreg, viser vi fram regionen vår som eit ekte og berekraftig reisemål.
Vi samarbeider tett med turoperatørar, reisebyrå og presse for å styrkje salet av produkt i regionen.Gjennom messer, visningsturar, kampanjar og distribusjon av produktmanualar bidreg vi til fleire gjester, fleire pakkar, og lengre opphald i regionen.
Vi legg til rette for kurs, fagdagar og samlingar for å styrkje vertskap, samarbeid og kvalitet i reiselivet. Målet er å skape stolte vertar og gode gjesteopplevingar i heile destinasjonen.
Vi driv prosjekt som utviklar reiselivet på ein berekraftig måte, med fokus på samarbeid, lokal verdiskaping og heilårsaktivitetar. Saman med bedrifter og kommunar formar vi framtidas Fjordkysten & Sunnfjord.
Reiselivet i Fjordkysten & Sunnfjord veks gjennom samarbeid, deling og stoltheit.
Vil du vere med og utvikle destinasjonen vidare?