Visit FjordKysten og Sunnfjord søker sommarvert i turistinformasjonen i Florø for perioden juni – august

Visit FjordKysten og Sunnfjord har ei spanande sommarjobb ledig som turistvert i turistinformasjonen i Florø for perioden juni – august.

Er du stolt over kva regionen har å by på av opplevingar, har god lokalkunnskap og er glad i å fortelje om dette? Då er dette jobben for deg!

Som turistvert får du oppgåver tilknytt den daglege drifta av turistinformasjonen, blant anna

– Hjelpe og rådgje turistar som kjem innom turistinformasjonen, på telefon og på e-post

– Sal av turar m.m. gjennom kasse og bookingsystem

– Kontakt og oppfølging av våre medlemer

– Oppdatering av facebooksida til turistinformasjonen

– Evt. guiding på turar i området

– Enkelt kontorarbeid og reinhald i turistinformasjonen

Du får opplæring og detaljkunnskap om reiselivet i Kinn og langs FjordKysten og Sunnfjord, blant anna gjennom å delta på turane som vi sel, og høve til å bruke kunnskapen til å sørge for at både tilreisande og lokale får ei ekstra god oppleving av Kinn, og FjordKysten og Sunnfjord. Du bør helst vere over 18 år og kunne arbeide i minimum 4 veker i perioden 22. juni – 18. august

Om deg

– Du meistrar norsk og engelsk godt, muntleg og skriftleg. Kan du i tillegg fleire språk, så er det positivt

– Du meistrar MS Office og er trygg på å arbeide med PC og telefon

– Du er sjølvstendig, blid, engasjert, ansvarsfull og serviceinnstilt

– Du er fleksibel og kan jobbe både dag/kveld/helg.

Lønn etter avtale

Arbeidsstad
Florø Turistinformasjon

Send din søknad og CV til dagleg leiar Marita Solheim marita@fjordkysten.no innan 19. mai