Er du kommunal planleggjar eller jobbar med arealforvaltning, reiseliv eller samfunnsutvikling? Dette kurset gir deg høve til å styrke kompetansen din innan berekraftig besøksforvaltning og stadutvikling. Gjennom tre intensive samlingar – både fysiske og digitale – får du praktisk innsikt i korleis ein balanserer turisme, natur, lokalsamfunn og verdiskaping.
Med berre 30 plassar og ei unik moglegheit til å lære frå erfarne fagfolk ved NMBU, vil du gå ut av kurset med både djupare forståing og konkrete verktøy for å bidra til levande lokalsamfunn.
Oppstart: 2. april 2025 Studiepoeng: 10 Påmeldingsfrist: 10. februar 2025
Over førti reisemål frå Svalbard til Lindesnes har samla seg for å løfte og løyse framtidas reiseliv.
Sidan 2013 har reisemål på tvers av landet arbeidd strategisk og heilskapleg med utviklinga av det lokale reiselivet ved å vera kopla opp mot den nasjonale merkeordninga, «Berekraftig Reisemål». Denne ordninga fungerer som eit felles styringsverktøy for alle aktørane som er involverte i utviklinga, og forpliktar reisemåla til å sjå reiselivet i eit samfunnsperspektiv der ein arbeider for å skape gode reisemål for besøkjande, lokalbefolkninga, natur og miljø – i dag og for framtida.
Gjennom arbeidet inn mot Merkeordninga ser me at reisemål over heile landet har gått i gong med nybrotsarbeid for å skape betre og meir heilskaplege løysingar. Likevel ser me at me har mykje å gå på i forhold til tettare erfaringsutveksling og samarbeid rundt utviklinga slik at me løfter det grøne skiftet i reiselivet i fellesskap og finn gode løysingar så e?ektivt som mogleg, fortel Anita Svendheim, prosjektleiar for nettverket.
Ein felles melodi frå Svalbard i nord til Lindesnes i sør
Etter mange år med tett dialog og samarbeid har 43 reisemål no samla seg for å løfte og løyse felles berekraftsutfordringar i eit nasjonalt bedriftsnettverk, støtta av Innovasjon Norge. Nettverket har fått namnet «Nettverk for Destinasjonsleiing og Berekraftig Reisemålsutvikling» (NDBR), der reisemåla som deltek representerer 137 norske kommunar og ei medlemsmasse beståande av omlag 4500 reiselivsbedrifter.
Skal ein lukkast med utviklinga av eit berekraftig reiseliv må ein ha med alle saman. Dette styrkja samarbeidet har vist oss at me i stor grad står i møte med dei same moglegheitene og utfordringane, anten ein representerer by eller bygd, kystdestinasjon eller fjelldestinasjon, nordlege eller sørlege delar av landet, fortel Svendheim.
Dette er første gong ein ser eit nasjonalt samarbeid på tvers av reisemål over heile landet, knytt opp mot ei berekraftig utvikling av reiselivsnæringa. Her er jobbar ein for tettare erfaringsutveksling, utvikling av felles verktøy og etablering av felles utviklingsprosjekt for å effektivisere berekraftsarbeidet på reisemåla i landet.
Gjennom dette nettverket, kvar me deler erfaringar om felles utfordringar som ansvarleg marknadsføring, reisemålsleiing, vertskapskurs og besøksstyring, kan me jobbe smartare og meir effektivt. Dette er både nyttig og tidsbesparande i vårt daglege arbeid, fortel Inger-Lise Brones, medlem av styringsgruppa til nettverket.
Ei av Noreg sine viktigaste framtidsnæringar
Reiselivet i Noreg er ei av Noregs viktigaste framtidsnæringar, både som ei av landet sine viktigaste, grøne eksportnæringar og som ei næring som bidreg til å sikre verdiskaping, arbeidsplassar og stadutvikling over heile landet. I september i fjor blei det også annonsert at reiselivet er den femte næringa som skal inn i regjeringa sin eksportsatsing Hele Norge eksporterer.
Me er glade over at viktigheita av reiselivet i auka grad blir trekt fram og satsa på nasjonalt. Samstundes veit me at reiselivet, som tek utgangspunkt i kvar stad sitt særpreg med sine moglegheiter og avgrensingar, må bli utvikla nedanfrå og opp for å skape ei næring som finn gode løysingar for menneske, natur og miljø. Å styrkje dette leddet av arbeidet meiner me difor er avgjerande for å lukkast med å nå målsetnadane sett for reiselivet, avsluttar Svendheim.
Meir informasjon om Merkeordninga «Berekraftig Reisemål»
Merkeordninga «Berekraftig Reisemål» er utvikla av Innovasjon Norge, og er eit lokalt styringsverktøy for å arbeide heilskapleg med utviklinga av reisemålet. Ordninga set mellom anna krav til at ei breitt samansett destinasjonsleiing/reisemålsleiing, etablering av ein langsiktig og breitt forankra strategi for utviklinga av reisemålet og ein blir målt på utviklinga innanfor område som bevaring av natur, kultur og miljø, styring av sosiale verdiar og økonomisk levedyktigheit. Ordninga betyr difor ikkje at eit reisemål er «berekraftig», men at ein må vise til betring ved kvar re-merking.
Meir informasjon om Nettverket NDBR
Nettverk for Destinasjonsleiing og Berekraftig Reisemålsutvikling («Nettverket») er eit nasjonalt nettverk for og av reisemål som arbeider strategisk med den berekraftige utviklinga av sin destinasjon ved å knyte seg til den nasjonale merkeordninga «Berekraftig Reisemål» («Merkeordninga»). Nettverket består av 43 destinasjonar, som følgjer: Akershus Reiselivsråd, Visit Bergen, Visit Bodø, Femund-Engerdal, Fjordkysten & Sunnfjord, Visit Fredrikstad & Hvaler, Hallingdal næringshage, Hemsedal, Visit Jotunheimen, Kragerø Næringsforening, Visit Sørlandet, Visit Lillehammer, Visit Lindesnes, Destination Lofoten, Visit Lyngenfjord, Lysefjorden365, MTNU/Visit MidtTelemark, Malung-Salen, Visit Narvik, Nasjonalparkriket, Visit Nesbyen, Visit Nordfjord, Visit NorthWest, Visit Norefjell, Orinor/Visit Kirkenes & Alta, Nordveggen/Visit Rauma, visitRjukan, Visit Senja, Visit Sognefjord, Region Stavanger, Næringshagen i Ryfylke/Visit Suldal, Visit Sunnhordland, Visit Svalbard, Visit Tromsø-regionen, Destinasjon Trysil, Visit Valdres, Vefsna Regionalpark, Vest-Telemark, Visit Vestfold, Visit Øst-Norge, Visit Voss og Åfjord utvikling. Desse reisemåla representerer reiselivet i over 137 kommunar og ei medlemsmasse på omlag 4500 reiselivsbedrifter.
Fjord Norge er ein populær destinasjon, kjent for storslått natur og levande lokalsamfunn. For å ta vare på det som gjer regionen så spesiell, har vi, saman med resten av, utvikla Fjordløftet – eit felles initiativ for å fremje ansvarleg gjesteadferd og sikre trygg og berekraftig turisme.
Fjordløftet er ein felles innsats for å sikre at turismen i regionen blir handtert på ein måte som tek vare på både naturen og lokalsamfunna. Vi ønskjer at både besøkande og lokale aktørar er med på å skape gode opplevingar som tek omsyn til dei ressursane vi har.
Kvifor Fjordløftet?
Med fleire turistar kjem òg utfordringar. Auka trafikk kan påverke både naturen og dei små lokalsamfunna. Fjordløftet gir klare retningslinjer for korleis vi kan ta ansvar saman – for å balansere vekst med omsyn til miljøet og folka som bur her.
Korleis kan de bidra?
De som er ein del av reiselivet i Fjord Norge har ei viktig rolle. Vi oppmodar dykk til å:
Informere gjestar om korleis dei kan førebu seg godt, ta vare på naturen, og kvifor det er lurt å bruke lokale guidar.
Leggje til rette for gode val, som bruk av lokale tenester og varer, handtering av avfall, og trygg camping og ferdsel.
Samarbeide lokalt for å utvikle gode rutinar for besøksstyring og tryggleik.
Saman gjer vi ein forskjell
Gjennom Fjordløftet kan vi bidra til at Fjord Norge held fram med å vere ein flott stad å besøke – og å bu. Ved å jobbe saman kan vi sikre at turismen i regionen skjer på ein ansvarleg måte, slik at vi tek vare på både natur og lokalsamfunn.
00Vanja Birkelidhttps://visitfjordkysten.no/wp-content/uploads/2025/09/FKS_MORK_POS_H.pngVanja Birkelid2024-10-22 11:01:072024-10-22 11:01:07Fjordløftet: Samarbeid for ansvarleg turisme i Fjord Norge
Visit Fjordkysten og Sunnfjord gjennomfører gjesteundersøking i sommar, og dykkar innsats og engasjement er avgjerande for vår felles suksess – saman kan vi gjere ein forskjell.
Vi treng dykkar hjelp
Oppfordre gjestane til å delta i gjesteundersøkinga slik at vi kan få samla verdifulle tilbakemeldingar som kan brukast til å forbetre tilbodet vårt og sikre ei positiv oppleving for alle besøkande.
Gjesteundersøkinga bidreg først og fremst med å gi oss viktig informasjon om gjesten si oppleving av reisemålet. Denne informasjonen er avgjerande for vidare utvikling av gode gjesteopplevingar i heile regionen.
Samla sett bidreg felles innsats til å auke synligheita for Fjordkysten og Sunnfjord sin reiselivsprofil, forbedre besøkande sine opplevingar og auke verdiskapinga knytt til reiselivsnæringa.
Felles satsing mot eit meir berekraftig reisemål
For å innfri indikatorane i Standard for Berekraftig reisemål, blir det forventa at destinasjonsleiinga gjennomfører gjesteundersøkingar i viktige kundesegment minst kvart tredje år.
00Vanja Birkelidhttps://visitfjordkysten.no/wp-content/uploads/2025/09/FKS_MORK_POS_H.pngVanja Birkelid2024-07-03 13:31:382024-07-03 13:31:38Hjelp oss å gjennomføre gjesteundersøkinga i sommar
Visit Fjordkysten og Sunnfjord inviterer innbyggarane til å delta i ei viktig undersøking for å bidra til å forme framtida for reiselivet i vår region.
Denne undersøkinga er ein moglegheit for innbyggarane i Fjordkysten og Sunnfjord til å dele sine meiningar, erfaringar og ønsker angåande turismen i regionen. Vi ønskjer å få innsikt i korleis turismen påverkar lokalsamfunnet, kva som finst av utfordringar eller moglegheiter, og kva som kan gjerast for å utvikle reiselivet på ein berekraftig måte.
Alle som deltek i innbyggarundersøkinga er med i trekninga av to billettar til Øyhopping med postbåten – Solund, Bulandet, Værlandet. Postbåten «Stjernsund» startar turen frå Hardbakke i Solund. Om sommaren, mellom midten av juni til midten av august vert den ordinære postruta forlenga mellom Hardbakke og Bulandet slik at du kan øyhoppe mellom øyane i vest. Retur frå Bulandet til Hardbakke er ikkje inkludert i premien. Les meir om turen på Fjord Norge: Øyhopping med postbåten – Solund, Bulandet, Værlandet – Fjord Norway.
Innbyggarundersøkinga er eit ledd i Visit Fjordkysten og Sunnfjord sitt arbeid for å kvalifisere seg for Merket for Berekraftig Reisemål. Dette kvalitetsmerket er eit viktig mål for destinasjonen og forpliktar reisemålet til å ta vare på natur, kultur og miljø, styrke sosiale verdiar og vere økonomisk levedyktig. Arbeidet med merkeordninga blir gjennomført med støtte frå Innovasjon Norge, som er ein viktig partner i vår satsing på berekraftig reiseliv.
Vi oppmodar alle innbyggarar i Fjordkysten og Sunnfjord til å delta i undersøkinga og dele sine synspunkt og erfaringar. Ditt engasjement og dine erfaringar er heilt avgjerande for å skape eit levande og berekraftig reisemål for både fastbuande og besøkjande. Saman kan vi forme framtida for reiselivet i regionen!
Det vil ta omtrent 3 minuttar å svare på undersøkinga.
https://visitfjordkysten.no/wp-content/uploads/2024/05/bilde2.jpg10801920Vanja Birkelidhttps://visitfjordkysten.no/wp-content/uploads/2025/09/FKS_MORK_POS_H.pngVanja Birkelid2024-05-22 10:39:532024-05-22 10:39:53Bli med å forme framtida for reiselivet i Fjordkysten og Sunnfjord
Vi er stolte over å kunngjere at Visit FjordKysten og Sunnfjord har oppnådd Miljøfyrtårnsertifisering, eit symbol på vår forplikting til berekraftig praksis og miljøvenleg turisme. Denne milepælen understrekar vår forplikting til å leie an i å fremje berekraftige praksisar i vår region.
Som ein del av denne prosessen har vi lagt til rette for felles miljøsertifiseringskurs for medlemmane våre, og i tillegg til Visit Fjordkysten og Sunnfjord er fire reiselivsaktørar i prosess for å bli Miljøfyrtårnsertifisert. I tillegg jobbar ein annan aktør med å oppnå Green Key-sertifisering.
Miljøfyrtårnsertifiseringa er berre eitt av fleire tiltak på handlingsplanen for prosjektet Merket for Berekraftig Reisemål. Merket for Berekraftig Reisemål er ei nasjonal merkeordning som er designa for å fremje og anerkjenne reisemål som jobbar strategisk og langsiktig for å utvikle seg på ein meir berekraftig måte. Merkeordninga spelar ei viktig rolle i å fremje berekraftig turisme i Noreg og skal sikre at reiselivsnæringa bidreg positivt til bevaring av kulturarv og naturressursar, trivsel i lokalsamfunnet, og lokal økonomisk utvikling.
Prosjektet vert gjennomført med støtte frå Innovasjon Norge, og alle kommunestyra i dei seks medlemskommunane, Askvoll, Fjaler, Hyllestad, Kinn, Solund og Sunnfjord, har vedteke å støtte seg til handlingsplanen for prosjektet gjennom eit prinsippvedtak.
Overlevering av sertifiseringa for Miljøfyrtårn av ordføraren i Kinn Kommune, Bengt Solheim-Olsen. Det markerer ein viktig milepæl på vegen mot å oppnå Merket for Berekraftig Reisemål
We are proud to announce that Visit Fjordkysten and Sunnfjord have achieved Eco-Lighthouse certification, symbolizing our commitment to sustainable practices and environmentally friendly tourism. This milestone underscores our dedication to leading in promoting sustainable practices in our region. As part of this process, we have facilitated joint environmental certification courses for our members, and in addition to Visit Fjordkysten and Sunnfjord, four other tourism operators are in the process of obtaining Eco-Lighthouse certification. Additionally, another operator is working towards Green Key certification.
Eco-Lighthouse certification is one of several initiatives outlined in the action plan for the Sustainable Destination project. The Sustainable Destination certification is a national accreditation designed to promote and recognize destinations strategically and long-term working towards more sustainable development. The certification plays a crucial role in promoting sustainable tourism in Norway and aims to ensure that the tourism industry contributes positively to local economic development, preservation of natural resources, and community well-being.
The project is implemented with support from Innovation Norway, and all municipal councils in the six member municipalities – Askvoll, Fjaler, Hyllestad, Kinn, Solund, and Sunnfjord – have adopted principles to support the project’s action plan.
https://visitfjordkysten.no/wp-content/uploads/2024/04/vi-er-miljofyrtarnsertifisert-2-visit-fjordkysten-scaled.png17052560Vanja Birkelidhttps://visitfjordkysten.no/wp-content/uploads/2025/09/FKS_MORK_POS_H.pngVanja Birkelid2024-04-10 14:10:142024-04-10 14:10:14Vi er Miljøfyrtårnsertifisert
Ved inngangen til det nye året, gler eg meg over at nye sesongar av ‘The Voice’ og ‘Kvar gong vi møtes’ igjen rullar over skjermen. Sjølv om det er sjeldan eg tek meg tid til å setje meg ned framfor TV-en, har desse programma ei unik evne til å fange merksemda mi.
Dei musikalske opplevingane, som gir meg gåsehud og tårer av takksemd, strekkjer seg langt ut over det reint underhaldande. Dei rører ved noko djupare i meg og skapar rom for refleksjon: Kvifor er det ikkje alltid den vakraste songen, dei klåraste stemmene eller dei mest kraftfulle tonane som rører ved meg? Kva er det med musikken som på mange måtar utfordrar det typisk moderne narrative om konkurranse, verdi og suksess? Og ikkje minst, korleis kan vi trekkje lærdom av desse musikalske opplevingane?
Berekraftig reiseliv, lik musikkens reise, handlar om å synge frå hjartet. Ein må synge med den stemma ein har, og det hjelper ikkje å late som. Det er denne autentiske tilnærminga som skapar ei ekte forbinding mellom besøkande og lokalbefolkning. Som notar i reiselivet sin komposisjon har kvar aktør og kvar destinasjon si unike stemme, men saman skaper dei ein harmonisk heilskap.
Mi reise det siste året har gått gjennom Solund, Hyllestad, Fjaler, Askvoll, Sunnfjord, og Kinn – eit landskap prega av kjærleik og omtanke for natur, kultur og menneske. Som Prosjektleiar for ‘Merket for Berekraftig Reisemål’ i Visit Fjordkysten og Sunnfjord har eg hatt gleda av å bli kjent med reiselivet og vore vitne til ei næring som er bevisst på si rolle i dei globale utfordringane, som er villig til å tilpasse seg nødvendige endringar, og vere ein aktivt bidragsytar til ei berekraftig framtid. Det er i dette varierte landskapet at symfonien av berekraftige reisemål tek form.
‘Merket for Berekraftig Reisemål’ fungerar som dirigenten i vår felles reise. Merket er ei ordning frå Innovasjon Norge som gir struktur og retning for å skape ein symfoni av berekraftige praksisar. Som eit felles språk for destinasjonsleiing og reisemålsstrategi gir merkeordninga oss verktøy og innhald for å harmonisere reiselivet lokalt og nasjonalt.
Destinasjonsselskapa spelar ei sentral rolle i å halde oppe tonen og retninga for ‘Merket for Berekraftig Reisemål’. Funn i ‘Utredning om destinasjonsselskaper i Norge’ (Epinion og Gyger, 2022) viser at prosessen med merket skapar betre samarbeid mellom ulike aktørar, men det er utfordrande å sikre tilstrekkeleg finansiering til oppfølging og det langsiktige arbeidet med berekraft. Likevel, gjennom samspel og samarbeid mellom alle aktørane, vil ein kunne møte desse utfordringane og halde symfonien av berekraftige reisemål levande. Denne reisa gjenspeglar ikkje berre eit ønske om å vere berekraftig, men òg ei forplikting til å orientere den lokale utviklinga etter den nasjonale reiselivsstrategien. I tillegg forankrar vi berekraftige initiativ i kommunale strategiar og planar, og søkjer å skape ei berekraftig utvikling i tråd med lokale mål.
I nasjonal samanheng sørger ‘Merket for Berekraftig Reisemål’ for at reisa frå Lindesnes til Svalbard ikkje berre blir ei geografisk ferd, men ein symfoni av ansvar, omsorg og ei felles forplikting til å bevare skjønnheita på reisemåla våre – Ein felles melodi for destinasjonar, besøkande og lokalsamfunn.
Dette innlegget er skreve av: Rutt-Lovise Strand, prosjektleiar for ‘Merket for Berekraftig Reisemål’
https://visitfjordkysten.no/wp-content/uploads/2024/01/microsoftteams-image-13-scaled.jpg17072560Vanja Birkelidhttps://visitfjordkysten.no/wp-content/uploads/2025/09/FKS_MORK_POS_H.pngVanja Birkelid2024-01-03 14:29:102024-01-03 14:29:10Merket for Berekraftig Reisemål – Ein felles melodi frå Lindesnes til Svalbard
